hey mates

so ha de befehl becho wieder mal es mail zschicke und den nimmi mir doch au selbstverständlich diä time für eui :)

guet was isch so passiert…ebe nid so viel und ebe doch…ich glaub bim vorletschte weekend stah bliebe…

am fritig isch leider de sarah ihri farwell gsi und ja det simer ines pub go esse und den no in usgang…ganz en komische lade gsi…bi mr sehr doof vorcho, guet mich het de goon leider au bitzeli verwütscht, viilicht ischs au no a dem glege :) hm…de abig het den recht früh leider es end gnoh, well de sarah ihri täsche klaut worde isch. täsche hemer den wieder gfunde aber sportemonaie und cam isch weg gsi und sogar au ihri ersatz unterwösch ;) warum au immer diä weg cho isch…anyway…

am samstig abe simer den i chinese laundry, en hammer electro club i de city und den isch den euise lieblings dj dyolanda be cool uftrette…für all wone nid kenned, dass isch sberüehmte lied:
http://www.youtube.com/watch?v=wavpWRK6IX8 lauft da momentan immer ufe und abe i jedem club :) great eifach zu guet…weiss gar nid ob das scho bi eui lauft? aber da laufed echt paar ganz geili lieder immer…wobi mir lampets langsam au zu de ohre use ;)

ha a dem weekend richtig am familylebe vo minere familie teil gnoh, oder sie ebe a mim usgangs lebe…am sa. isch mini gastsister mit i chinese laundry cho und am so abe bini mit de sarah und em gastbrother is kino…sex and the city 2, eifach zu guet gsi…

hm…vom mäntig bis mittwuch chani eui leider nid viel verzelle erst wieder vom dunnstig…den bini nemli uf byron bay gfloge zu de sarah…sie het ja leider am mäntig syd verlah und isch go reise…ich bi den am donnstig zu ihre. guet a dem chline flughafe, also echt chliner als euise militär flughafe und det fahred dlocalbüs au nur bis am 4ri…hani ebe so es büsli gnoh…anyway de bus fahrer het den eifach mal vergesse das ich no im bus bi und isch samt mir zu so zwei hei gfahre weller det het welle e wohnig go aluege, guet heter den au mal no gmerkt das ich au no im bus bi und het mich ja den netterwiis nach de wohnigsbesichtigung au no mal uf byron ine gfahre…holzchopf echt! guet mal bi de säru acho simer den au grad mal in bottle shop und den scho gli is cheeky monkeys…hahaaa ha so was abverreckts gits ja gar nid ;) unglaublich…aber he isch lustig gsi…hend den later sgfühl ka chum mr gönd mal i eine vo dene drü andere clubs go luege, aber ääääähäää die waren leer ;) guet simer den mal recht spat hei torklet und siehe da euises super zimmer hocket all am bode im chreis am trink spieli mache mit goon…wie herrlich ;) ja also muss sege szimmer ich cool gsi, 2 engländerine, 2 engländer und 2 swissis und den isch irgendwenn no so en komische dütsche cho, de het allerdings nid müsse si…
am nächste tag simer den uf nimbin…das isch so es mini döfli wos echt nüt mached ussert kiffe! guet simer mal go luege…mr hend den gfunde chum mr nemed e tuur den werdemer gfahre…guet super sach…sind den 1.5 h anegfahre und den hets gheisse i 2.5h fahremer wieder zrug…hm…mir son okay easy…jep ebe easy…euis isch ja soooo langwillig gsi…das ganze dorf het mr i 5min abglofe und gseh! und unglaublich…es hocked echt all i de kaffis am kiffe uns cakes esse…di älteste säck laufed no mit verhängte chleider ume und rastas…eifach wieder mal de hit gsi…gooo aussies ;) und vo allne siite wirsch da vo so clowns aghaue ob weed wetsch…! irgendwenn ischs euis den au zdoof worde und mr hend gfunde chum mr gönd was go trinke…sind den ines gmüetlichs kaffi ghöcklet an einzige platz mit sunne!…hmmm…isch ja alles wunderbar, nur hend mir nid gschnallt das mr grad nemed em wc hüsli hocked…hend den live mitbecho wies im wc furzed und schiesst…sind den au ganz schnell wieder weg gsi vo dete…hm…fein ;) ha den min smoothi au grad stah lah ;)
am abe natürli het strudi also ich welle go sushi esse…im ne suhie train lade :D isch bis dahin au no super guet gsi und den simer no is cheekys…hend den au wieder en hammer abig ka mit de ängländer usw. glatt gsi…nur leider bin ich am samstig morge ufgstande und mal go chotze…uhhh huere neisssss…nei chopfweh hani kei ka…min bus isch am 6.50 gfahre…ha mi den au agleid usw und wär au parat gsi…aber mir ischs sooo schlecht gsi, ha mi chum bewegt…bi den au nomal schnell aneglege und natürli prompt ipennt…hm…ja leider den au erst wieder am 7.15 verwachet! super schmiedi bus weg! bi den grad liege bliebe und erst am 10ni mal zur busstation…ha den det irgend so en mini bus gnoh wo mich uf surfers gfahre het, super gsi bi ganz elei im bus gsi und ha schön chene schlafe…guet viel nid ha coci trunke und mich müsse konsentriere das mr nid obsi chunt :(

in surfers acho, simer nur schnell was go esse (guet sinnlos gsi ha ein bis gnoh unds wieder anegstellt) und den bini de ganz samstig im bett glege! hammer…muss sege perfekt gsi! :( am abig heti eigentli au welle liege bliebe und nid weg aber has den de sarah zlieb gmacht…sind den uf so e pub crawl…huere zviel gsi ;) he fraue i sege eui, ich ha noni sooooo verdammt viel schöni manne uf eimal gsi! das gits i de CH nid! echt nid…so viel hübschi manne i eim bus und dezue sinds über 80% manne gsi uf dere crawl ;) … chum im bus sind den au scho zwei brasilianer zu euis ghocket…ohhh lago mio gell bellos…diä sind also scho ganz ganz neisssiiii burschte!!! ;) aber nei nei isch nix gsi…hend den de ganz abig euis anderst wiitig beschäftigt und hends den erst wieder gseh bim hei gah…ohhhaaaa da fallt mr grad no i, ich ha wieder mal de ober schämer platziert ;)
sisch natürlich im letschte club de match glofe wo bi euis am 12i usgstrahlet wird…guet sind ja logo all manne devor gstande und hend glueget…leider han ich zum a dbar cho genau vor dem scheiss tv müsse dure laufe und was passiert mir schaf…ja genau vor em tv hauts mich uf de sack! ;) bingooooo hani wieder mal e show anegleid!! haaahaaa…;) und nei a dem abig hani 1 glas alk ka meh nid, also ich bi nid volle gsi, falls eui etzt das i euine chöpf umeschwiird!
aber de abig isch den later glich no ganz glatt worde…

am sunntig simer is seaworld…jeeeahhhh i love tierli :) so toll gsi :) und roche sind so herzig :) haha vor luuter streichle hets mi au fascht no i de huere pool ighaue ;) uf jedefall isch en hammer tag gsi im seaworld…looooots of fun :D

am abe simer den no mit em hostel ines so es stranghuus in usgang…guet am 12i hanis saäru müsse hei due…slap the goon segi da nur…guet hani sie is zimmer bracht, is bett gleid usw…het sie scho nach em chübel gschraue ;) guet scho vorher aber det het dstrass müsse dra glaube ;) es isch eigentli sehr amüsant gsi, well sie so weirds züg gret het ;) guet bini spöter nomal ufe go luege chum is wc und sganze wc verchotzed…nei nid weg de sarah, de engländer vo euisem zimmer hets leider au verwütscht ;) jaja so chas gah…ich bin den wieder zrug in usgang und has no recht glatt ka…bi den am morge am 4ri hei grennt…ha inert 2 min mini sache packt und de bus isch scho vor de tüür gstande und het mich abgholt, direkt an airport, in flüger und den no 1.5h hei weg vom syd airport :( bi den mal am 11i am morge für 2h no go schlafe…

gester abig bini den erst mal a euises super public viewing go match luege!!! huere geil…3 oder 4 riise lienwänd grad harbour und den no mit ton :D und so lang huppe wie mr will ;))) yeahhhh freu mi scho ufs CH spiel morn…muss mr nur no e chriegsbemalig zuedue :)
und den hani gester au no diä liebe zwei andreas (sind uf weltreis) troffe, mega schön gsi…sie sind etzt au bis am sunntig in syd bis wiiter gend uf fiji :)

hm…suscht fallt mr grad nid so i was no spannends gsi isch, guet da gits no seint oder ander aber für de moment isch etzt scho guet ;))) muss eui au nid immer alles so gnau verzelle!!!

so miss eui alli ganz toll und freu mi eui den im herbst wieder zgseh!

Vejo vocês em breve meus queridos amigos….aidooooosssss bientôt!