ufffffff etzt bini aber grad chli liecht überforderet…however…sali zämme :D

so wo fangi a…ich bi glaub bim mandly walk stah bliebe…aber himmel de isch au scho wieder 2 wuche her…aber guet…also ich ha mich ja uf de walk iglah und zwar isch das so gsi. mr hend vo de city de bus uf north syd gnoh und hend den vo dete afa laufe müsse….ach oh gott! ha gmeint grad us, nei berg ab berg uf und uhh isch de bode toll gsi zum laufe! heti das gwüsst wär mr go wanderschueh chaufe, guet au egal…zum glück isch ja dfrau brot am abig vorher nid in usgnag sonder scho am 9ni im bett gsi! isch doch immer wieder herrlich wie seriös si isch und somit am walk au top fit ;) guet egal das het mich ja uf jedefall sicher nid devo ufghalte nach em lauf am 6i hei go dusche und grad wieder furt weg in the city :D also neee moment mit umweg in bottle shop! das isch also es muss da, well suscht ruiniersch di grauenhaft da im usgang! aja bottle shop = alklade! bi a dem abig mit de sarah in usgang (ha sie am fritig abig fäng kenneglernt) guet ebe diä wo mich uf FB verfolget wüssed wär dsarah isch für alli andere e riise zwetschge oder ich nenn sie au geis, churzgfasst so nid ganz bache wies ich bi! also bi den mit einere woni ja fäng 24stund kenne in usgang…aber he isch super gsi, mr sind nur leider im ne so e schicki micki schuppe glandet wo di all so dumm alueged wenn party machsch! aber interessiert mich den das, nöööö sölleds doch denke was wend diä möchte gern kaviar freser! uhhh a dem abig hemer au kei ruhe gfunde, sind den nach dem schiggi lade no wiiter…mr hend glaub jede tüürsteher aquatscht wo no was es ziitli offe het, sind finally au fündig worde :) great gsi…bis uf de Aussie womer nahgloffe isch! ich seg eui diä sind so ahänglich…sie kenned das word NEI glaub nid! bi i dere nacht uf jedefall hei cho wo mini homestay family scho wieder wach gsi isch, herrlich gsi…bi mr ja gar nid dumm vorcho ;)

den hani no mo. di und mi schuel ka und ab em donnstig hani den gschwänzt…bi mit de sarah uf tasie gfloge also uf tasmanie ganz gnau uf hobart simer gfloge, det hemer den es auto gmieted…himmel modediööö what zur höll isch das links fahre! also diä hend scho en knall…öpis dümmers gits echt nid! guet ha mi den a das abentür anegwagt und gfunde das chani scho…hehe und stelled eui vor sogar unfall frei ;) guet mr sind den grad als erst in sone wild park go de tasmanisch tüffel aluege ;) jööö de isch würkli sweet aber begegne willem nid! und juhuiiiii ha zum erste mal kangis aglanget :D sind leider nass gsi vom lege aber soooo goldig :) nach dem simer wiiter uf porth arthur…das isch das ort wo vor paar jahr es masaker gsi isch, falls das ja öper mitbecho het…aber so wie ich eui kenne ja eh nid ;) het den irgendwie gmerkt womer den so i dem tasie umegfahre sind, dass da so zimli gar nix isch i dene dörfli…han den churzerhand beschlosse dasi eifach mal quer dur di ganz insle fahre uf launceston…guet i dem launci acho, hemer es hostel gsuecht und den au grad mal en bottle shop! mini co pilotin wieder…hanere doch gseit sie sell abkläre wo da hostel isch bevor mr det i diä “gross” stadt fahred…jaja diä zwetschge wieder lieber alles andere het sie gmacht chips gesse und energy drink drunke und gschlafe…hm…super maitli gsi echt ;) guet hemer ja den glich gschaft…mr sind den au gli mal nach dem mr bottled hend i bar abegstiflet und hend euis det mit siiiiiders (ciders) chli en lustige abig welle mache…nene nix da…isch den au nid lang gange sind so tazzys nebe euis gsi und hend euis afa ilade, guet easy warum au nid simer halt zum vodka übere…ja und sind den vo club zu club gheit, guet wenn mr das cha club nenne und hend en glatte abe ka :) am nächste morge isch den weniger glatt gsi das geisli nebed mir zwecke…uhhh das isch den en muffel! gopfridstutz nomal…ich bi ja au mal so gsi…aber wenn ich würkli genau so gsi bi, den entschuldig ich mich etzt offiziell bi allne wo da amig hend müsse erlebe ;)
guet wiiter simer den a de ostküste abe richtig hobart zrug…ohhh isch das herlich gsi miteme liecht komische chopf wieder mal 6stund autfahre…wüsseder di ander gurke het ebe nid döffe fahre, mr mue scho min eis jahr prü ha! isch also no schön das tasie mussi sege…isch eifach wiit und breit nix…wär euis de chare abglege wäremer verlohre gsi :/ den irgendwenn finalemente in hobart am abe acho hemer den euis wieder es hostel gsuecht…isch no es glatts gsi und danke hergott endli mal miteme chline öffeli im zimmer! es isch ada immer so scheiss chalt well diä kei heizig hend also det isch chalt gsi, da in syd selbstversändlich nid ;) hend euis den det au wieder uf de weg in usgang gmacht, hend eigentli denkt he geil fr abig und das isch da ja scho chli grösser als launceston, da lauft eh meh! neeeeeee also da war gar nix gut…bis uf de heiweg…det sind euis no so zwei chlini 19jährigi über de weg gstürchlet und de eint het elbogelangi haar ka und isch glaub 1mal i sim lebe betrunke gsi…er het euis den au brichtet daser nie in usgang gechi usw…er het au fast en orgasmus becho weg euisem akzent! warum au immer!!! und uiiiii nei diä alegig wo diä dete ka hend! grausam! da laufed euisi penner no schigger ume!
guet mr sind den am sa nach melbourne gfloge und sind den dete no e nacht gsi :) ganz guet gsi, i lieb melbourne ha mi richtig verliebt! aber nei ich weiss nid wie de usgang isch…well mr bi irgend so jungs dihei hangebliebe sind und bis am morge am 6i duregschnurret hend und den direkt an flugi sind…chönd eui ja vorstelle wie ich am sunntig usgseh ha! ja genau une catastrophe….

what else isch los gsi…isch wieder e wuche meh schuel verbi und unter de wuche machi leider nie viel erwähnens wert…hin und wieder mal chli kino, oder suscht was aber nüt speziells…letscht do bini den mal wieder in usgang aber isch nid so erwähnenswert gsi…am friitg den scho wieder eher…det simer 8te unterwegs gsi, mal usnahmswiis nid nur ich und dsarah…sind 6 CH’s gsi und 2Dütschi…sind den zerst i the rocks umegschliche (für diä wos nid wüsse, da isch so chli en alte stadtteil vo syd…voll herzig) und den simer den is IVY…en snobiiiiiiiii schuppe meh….de club isch wunder schön echt…mitere riise trüli treppe i de mitti und em dach offe usw…herrlich! aber diä lüüt wieder und diä fraue da sind eh zum devo renne…chleidli chürzer gits diä glaub nüm und eimal in farbtopf inegheit! janu egal…sind den irgendwenn alli hei ussert i und de eint dütsch hend no sau glatt ka det ine….guet shei gah isch den wieder sandere gsi…mir sind den irgendwenn so geg di 5i us dem ivy use, er isch den au gli mal ufs taxi und ich bi i dem grosse sydney gstande und ha kei anig ka wo ich etzt ane muss…ha den mal afa laufe…irgendwenn hani so kei lust ka und mini sau dumme schueh hend soooo weh da, bini eifach inen bus igstiige wo grad cho isch! und nei ich ha nid glueget woner ane fahrt! isch mr alles sooo glich gsi, ha nur no welle is bett :) irgendwenn chunt den de vom bus zu mir und seit, wo wotsch eigentli ane und ich ja bondi junction wär also no great! den er ja hesch glück ka de bus fahrt det ane, aber gell hesch nid gwüsst woner ane fahrt! oooopppssss haha het mr mir das agseh ;) anyway a dere dumme junction haltstell hani den ghofft min bus chunt…aber neiiiiii ich wart ja gern über e halb stund und er chunt nid :( hani halt wieder eimal meh so es doofs taxi gnoh :( chent mis geld also au no blöder usgeh :(

samstig au ganz guet gsi…am morge am 10ni bini scho im zoo gstande…uhhh und den hets no gregnet und min chopf isch au nid so zweg gsi…und das nenned diä zoooooo…also für 45 dollar erwart ich den en park und nid nur e silberweid (für diä wo diä no kenned) bi den au gli wieder hei is bett go vorschlafe :) dsarah isch a dem tag uf hunter valley go wii degustiere…diä het au super usgseh am 9ni woni si den troffe ha…mr sind den mit 2ne wo sie a dem tag kenneglernt het und no dem dütsche und me andere schwiizer uf newtown…hend det eigentli chli welle pub crawl mache…isch aber liecht i dhose! sind den au gli mal wieder uf de bus i dstadt…haha und i dem bus isch doch so en emo vor üs ghocket…den luegt mich diä tschädere doch a und seit gell er gseht us wie en emo und luegt genau zu ihm! super gsi…er het euis ja nid verstande ;))) haaahaaaa er het euis super lässig gfunde ;) sind den au nur no ines pub i de city und gli hei…am sunntig hemer abgmacht zum in peddys market go shoppe..das isch so de hammer e riise halle mit alles so ständ so ala markt in thailand oder so…mega cool…aber ebe…am 12i no kei sarah wach am eis immer noni am halbi 2 au nid :( guet hani gfunde ich lauf uf rose bay abe und gah sie go wecke…und lueg au da am 2 lied si immer no im bettli sammt chleider a und jagge ;) sie isch den au ufgstande sogar ohni muffele :) sind den det ane…uhhh viel hani pöstelet *freud hani* und womer den zurg a dzug station sind wer staht vor üs…jajaaaaaaaaaaaaaaaaa de EMOOOOOO again…uhhh het de euis bös aglueget, er mag euis definitiv nid! schön isch sydney so e chlini stadt das mr dlüüt zweimal gseht ;)

so fertig verzellt etzt isch mäntig abe am 11i und ich muss is bett, ha ja morn wieder guet und morn abe mussi in usgang…hend parddddy vo üsere schuel :) mal luege wie das au wieder wird…das mal meldi mi den wieder chli frühner, suscht mussi eui immer mit so lange mails belästige!

also hebed sorg, bliebed suber und immer schön usässe suscht hörts bi eui nie uf regne ;) oooooröööööwuuuaaaaaaar!