hellööööö dudes

so ich bis wieder mal miteme brichtli…huiii ich seg eui, mir hend super wetter da :) ihr au ;)??? haaaahaaaa…

nei ich bi fiess, lömer das…was chani eui brichte…eigentli viel aber glich nüt…

bi ja etzt den e wuche da und es gfallt mr also absolut guet, ich chum glaub nüm hei…guet irgendwenn hani kei geld meh, aber den schnapp mr eifach so en riche aussie und guet isch :) uhhh das wär scho schaurig nice :)

ich bi ja letscht samstig acho und den vo sonere liebe chaufföse abgholt worde und i mis dihei bracht worde…also muss sege ha sehr e flotti family :) sind serbe aber da ufgwachse…ich ha en gastbrüeder und e sister, er isch 26gi….sehr en laaaaaaazy boy…grausam! de schlaft de ganz tag und bewegt sich nie us sinere wohnig…huere schlimm…er hockt nur am pc de ganz tag und di ganz nacht und go schaffe gahter au wenns em passt! er chunt nie abe mit euis go esse nüüüüt!!! smami mussen öpe 7mal go wecke bisere sin ass mal bewegt und den muss sie en is gschäft fahre! de herr het ja nid emal e autoprüfig…schreeeeeeeecklich!!! so eine chemt mr grad no gschlieffe…und sie isch sabsolute gegeteil, sie isch 25gi, isch mega engagiert mit em job usw…immer chli im usgang oder suscht unterwegs, mega e cooli! :) und mis ersatz mami isch au uhhh lieb…hani gseit dasi thai liebe, etzt gaht sie mr immer go curry usw poste und sushi :))) mega zlieb :)

so und etzt zum wesentliche…ich ha gester min erste usgang da döffe erlebe und haahaaaa bi schomal us em club gfloge ;) zviel echt…nur well ich uf de bode ghockt bi…guet etzt fröged mich nid warum ich abghockt bi ;) jaaaaa isch ja guet ich ha tequila drunke und das wässerli verträgi ja gar nid! schrecklich…janu ich drinks in zuekunft au nüm…wüsseder dmadame het denkt sie chengi gegen holländer atrette mit drinke…ha also 2te gmacht ;) aber he ich has probiert :) guet uf jedefall hani grad mal 120dollar usgeh…nei nid fröge, ich weiss nid wie…und ich weiss au nid würkli warum ich nach dem ich usegschmiesse worde bi 1h veruse gstande bi…haaaahaaaa…uf jedefall hani den no es neiiissss gspröch ka mit so zwei agstellte vo de public trasport weiss ich was…kenn etzt dene ihres ganze lebe und wie kind heissed usw….und sie hend sich sehr guet um mich kümmeret….hend mr den au es taxi bstellt…huiii aber diä werdet ja denkt ha…ich glaub ha evtl de ruef vo de CHs es bitzeli verschmutz ;) haaaahaaa aber ich döff das, bi ja e panierti ;) hm…und min erte verhänger hani au scho ka miteme typ…haaahaaa und den no en schwiizer, da hets jenstes anderi natione aber nei ich nimm de schwiizer! dumms chind ;) und den no en fcz fan…grausam!

wie isch es i de schuel…hm….ja schuel isch halt schuel…aber isch no nice, gah ja gern i dschuel :) jäää also mit mit hend nur brasilianer agfange und en franzos, mit dene ziehni au immer chli ume :) haaaaahaaaa…isch ja zviel…han da au en chline brüeder, dudu heisster also eigentli adwardo, huere zneiiiissss de chli! en riise player, aber voll herzig! mit dem gangi au immer chli go bierle usw :) voll flott de burscht! aber suscht hets nid so tolli lüüt i de schuel…huiii ich sege eui, diä fraue da zum chörble echt….nei mega schlimm…ibildet und stoh doof!!! echt würkli nur aluege chamers suscht nix…ihr denked etzt, typisch frau…fraue und fraue hends eh nie so mitenand…aber imfall echt…schlimm…ihr kenned mich und ich bi sehr en offne mensch und au gegeüber fraue, aber da isch echt nüm zhelfe dene wieber! en huehnerstall isch nüt degege…janu, den ziehni halt mit manne ume, wie immer…aber he isch no gedige, diä zicked wenigstens nid…

am mäntig abig isch euis chli langwillig gsi den hemer gfunde guet mr gönd go bier chaufe und hend den chli trunke…ja ich weiss mr döff da nid öffentlich trinke, aber das het euis nid interessiert! am zistig simer mit de klass zum brasilianer go esse…fleisch fleisch fleisch…cool gsi :) det hani au no en schöne ami kenneglernt und ihr wüssed ich find diä huere heiiissss… :) guet am mittwuch bini dihei bliebe und scho am 10ni is bett…bi di erste tage da soooo grausam müed gsi, dummi ziitverschiebig :(
und gester, ja diä story kenneder ja :)

und hüt an other crazy nite again with dudu :) huiii nei es isch scho so spat, ich muss mi ready mache und den furt….

aja morn mussi früh uf, ich ga anen mandly walk, that mean vom 10ni bis am 5i wandere, huere lang….aber eh lustig…ich gah mit de schuel vo de michèle….aja mussi viilicht au no verzelle…ha sie im flugi kenneglernt, sie isch vor mir ghocket und het mit dem wo vor ihre gsässe isch gred en dütsche wo uf neuseeland isch, huiii det bini au gli ;) guet zrug zum thema…ha sie den au aquatscht und mr hend super lässigi 13.5h ka :) und ja mit ihre machi au mega viel, isch ganz e lässigi :) leider nid a de gliche schuel, aber egal…gseh sie ja i de freiziit :)

so also etzt bini aber weg! also mini liebste fründe…a tout al heure!!!

euies fibi..

en spezielle wish no a di panierte….immer schön cordon bleu esse ;)