so mini liebe, mis dubai abentür wär etzt au scho wieder zend und ich sitz am flughafe und wart uf mis flügerli nach down under…isn’t it neeeeeeiiissss….judihui irgendwie freu mi richtig…aber glaubed mr ich wür au gern mit eui in usgang, di paniert rundi fehlt mr ebe scho au :(

anyway…mal vo vorne….

ich bi gester morge am 6.20, bi eui also 4.20 da in dubai glandet…und bi grad mal erschlage worde vo dere hitz :( ich wo ja so fan bi vo wärmi….hahaaaa…den bini mal mit em taxi is hotel gfahre…

lustig, da hets zwei taxi reihe eimal taxifahrer und den taxifahrerine und dfraue münd mit de fraue fahre ;) und sbeste, diä hend es rosa taxi und sind rosa agleit…e schiess freud hani ka :)

guet den chumi doch i das hotel, hallooooo hotel…das hotel isch zmitz uf de autobahn gsi….guet hani grad mal gseit obs den es partner hotal heged und ha mich det übere verfrachte lah :) viil besser….ich wett doch nid zmitz uf de autobahn schlafe, dass isch den also scho nid so neiiiissss….

ha so es herzigs zimmer ka mit eigner chuchi, super gsi…bi den au grad mal 3h go schlafe, da ich ja logisch oder keis bitz gschlafe ha im fligi…ja heeeee ha doch müsse film luege :) has aber leider nur uf 3film gschafft, aber das wirdi etzt bi mim flug uf sydney def toppe :D

nach mim schlöfli hani mi mal uf de weg gmacht, dass ich mich usegetraut ha…es chlises wunder…diä wo mich guet kenned wüssed ja wie ich heiss verflueche…mir sind ja scho 18grad fascht zviel :(
guet bi den mal zume so e turibus glofe und ha mich den mal erkundiget was den so es fährtli da kostet….
himmel heiterebeck 65.- !!! wtf!!! ha denn denkt, hm…guet isch nid so wie in berlin oder adam wo 20.- zahlsch und au 24h chasch ume fahre…
guet easy da ich ja dubai nid will mit de fuess ablaufe, wäri also etzt no dra und wohl scho gstorbe vor hitz, hani das den gmacht…

lustig gsi bi 5h bus gfahre :) neeeeeeiii denk nid nur mit eim bus, 2 verschiedeni rute sinds gsi…glatti sach…also simimuus und sveny, umbedinngt au mache :)
ha so i 5h ganz dubai gseh und dubai isch riisig :)
für shopping freaks es uh huere paradis….ha glaub noni so viel shopping center gseh :)

nach dem ich den tod müed vo mim türli zrug cho bi, guet isch au scho wieder 19.30 gsi, bini den mal is hotel :) und ha mini fotene ufeglade, wie ihr ja sicher scho gseh hend…und suscht sinds uf facebook (wo den au suscht ;)

ha den chli mini ziit im internet umegschlage, was ich ja sehr guet cha :) und bi den mal go schlafe…guet mal isch guet, isch doch au wieder morge am 2 gsi und am 5i bini scho wieder verwached :)
ich muss viilicht no dezue sege, ich ha soooo schiess ka dasi min wecker nid köre undbi di ganz nacht mega unruihg gsi…egal cha ja im flugi schlafe ;) aber das glaub ich nid…:)

bi den am 7ni am morge an flugi, hee ich ha döffe miteme maa taxifahre :) ha mi also geehrt gfühlt :) ha den au sehr schnell icheckt ka und bi dur passcontrole und securitycontrole…

also security…das sind di geilste da, ich ha döffe mis ztrinke phalte, ha weder de schaal, no min puli no suscht was müsse abzieh und nid mal min lap uspacke :) und den wird no mit eim gflirtet…diä hend e schiess freud a europäerine :)
da wunderet mich nüt wenn hin und wieder es bömbeli ufegaht :) guet ich bi ja kei terrorist aber ebe ;)

also durch de scheiss und den bini go zigi chaufe…ich ha gmeint mich trifft de schlag…e stange zigis für 14.- :) boaaaahhh het mi das agschiesse dasi nur ei stange döff mitneh :( aber immerhin…

huiii scho so spat, ich muss etzt go boarde und uf min lange lange flug :D

bis gli mini liebe, eui fibi

p.s. ich wünsch de panierte es neiiiissss weekend und mached nüt was ich nid wür mache! und neeeeeeeiiii es wird kei grillparty gmacht ohni mich ;))

servuuuuuuuuuuuussss